"Aston Villa"nın yarımmüdafiəçisi Morqan Rocers "Arsenal"ın maraq dairəsində olduğu bir vaxtda klubunun onu 130 milyon funt-sterlinq dəyərində qiymətləndirməsi ilə bağlı xəbərlərə reaksiya verib. Sport24.az xəbər verir ki, 23 yaşlı futbolçu transfer dəyəri haqqında düşünmədiyini və kənar informasiyalara fikir verməməyə çalışdığını bildirib:
"Bu qədər edəcəyimə əmin deyiləm. Əlbəttə, insanlardan belə sözlər eşitmək xoşdur. Lakin kənar səs-küyün mənə təsir etməsinə imkan vermirəm. Sadəcə diqqətimi cəmləməyə və özüm olmağa davam edəcəyəm".
Xatırladaq ki, daha əvvəl "Arsenal"ın Rocersi bu yay əsas transfer hədəflərindən biri kimi gördüyü bildirilirdi. Klubu İngiltərə millisinin üzvünü 130 milyon funt-sterlinq dəyərində qiymətləndirir.
Qeyd edək ki, Morqan Rocers 2025/26 mövsümündə "Aston Villa"nın heyətində bütün turnirlərdə 55 oyun keçirib, 14 qol vurub və 11 məhsuldar ötürmə edib.
