Bu gün Azərbaycan milliləri Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında mübarizəyə başlayırlar. Sport24.az xəbər verir ki, Faiq Qarayevin baş məşqçisi olduğu qadınlardan ibarət voleybol yığması ilk oyununu İrana qarşı keçiriəcək.
Oyun Bakı vaxtı ilə saat 14:00-da başlayacaq.
Futzal millimiz isə A qrupunda Liviya ilə üz-üzə gələcək. Görüş Şahzadə Feysəl ibn Fərhad Olimpiya Kompleksində, Bakı vaxtı ilə saat 17:00-da start götürəcək.
Qeyd edək ki, İslamiadanın açılış mərasimi noyabrın 7-də, bağlanış isə 21-də baş tutacaq.
