Türkiyənin Konya şəhərində keçirilən 5-ci İslam Həmrəyliyi Oyunlarında Azərbaycanın kişi cüdoçulardan ibarət milli komandası qızıl medal qazanıb.
Sport24.az xəbər verir ki, Azərbaycan millisi birinci yer uğrunda görüşdə meydan sahibi Türkiyəyə 3:2 hesabı ilə qalib gəlib.
Bu, Azərbaycanın 24-cü qızıl medalı olub.
Xatırladaq ki, kişi cüdoçulardan ibarət milli 2017-ci ildə Bakıda keçirilmiş 4-cü İslam Həmrəyliyi Oyunlarının da qalibi olmuşdu.
Bu gün Azərbaycanın qadın cüdoçulardan ibarıt millisi də bürünc medala sahib çıxıb.
