"Neftçi" növbəti transferini rəsmiləşdirib. Klubdan Sport24.az-a verilən məlumata görə, nigeriyalı futbolçu İfeanyi Metyu "ağ-qaralar"la anlaşıb.
28 yaşlı yarımmüdafiəçi ilə "1+1" illik müqavilə bağlanıb. O, 18 nömrəli formanı geyinəcək.
Qeyd edək ki, sonuncu klubu "Sürix" (İsveçrə) olan Metyu vətənindən başqa, Norveç və Türkiyə liqalarında da oynayıb. Metyu Norveç Kubokunun və 20 yaşadək futbolçular arasında Afrika Kubokunun qalibi olub.
Qeyd edək ki, bu barədə ilk məlumatı Sport24.az saytı yazıb
