"Qəbələ" ev oyunlarında bütün rəqiblərinə məğlub olmamağa çalışır. "Şamaxı" ilə oyunun ilk dəqiqələrindən də "Qəbələ"nin diqtə edən tərəf olduğu görünürdü". Bu sözləri Sport24.az-a açıqlamasında Aftandil Hacıyev deyib.
Təcrübəli mütəxəssis Misli Premyer Liqasının XXVII turunda keçirilən "Qəbələ" - "Şamaxı" oyunu haqda danışaraq, qonaqlar haqda xoş sözlər deyib: "Qəbələ" ilk 20 dəqiqədə qolu vurdu. Bundan sonra daha rahat oynamağa başladılar. "Şamaxı" da yaxşı mənada hər kəsi təəccübləndirməyi bacarır. Bu görüşdə gənc futbolçular üçün dönüş etmək çətin olur. Amma "Şamaxı" bəzi oyunlarda məğlub olduğu halda qələbə qazanıb. Bu görüş "Şamaxı" üçün çətin oldu. "Qəbələ"nin daha inamlı çıxış etməsi rəqibə şans vermədi. Ancaq "Şamaxı" Premyer Liqada məzmunlu, hər oyun inkişaf edən komandadır. Sonuncu pilləni tutsalar belə, öz oyunları ilə rəğbət qazanmağı bacarıblar".
Qeyd edək ki, "Qəbələ" - "Şamaxı" oyunu 2:0 hesabı ilə yekunlaşıb.
KAMAL RZA
