Misli Premyer Liqasının XXII turu çərçivəsində Yevlaxda keçirilən "Kəpəz" - Sumqayıt" matçından (3:0) sonra qonaqların baş məşqçisi Saça İliç oyunla bağlı fikirlərini bölüşüb. Sport24.az xəbər verir ki, serbiyalı mütəxəssis komandasının bərbard çıxış etdiyini vurğulayıb.
- "Kəpəz"i qələbə münasibətilə təbrik edirəm. Fikrimcə, bura gəldiyim vaxtdan bu yana ən pis birinci hissə oynadıq. İnana bilmirəm ki, bu cür asan qollar buraxdıq. İkinci hissəyə bir az yaxşı başladıq. Amma Ninkoviçin meydanı tərk etməsi oyuna təsirini göstərdi.
- Getməyin vaxtı çatıb, yoxsa vəziyyəti düzəldə biləcəksiz? Son 8 matçda cəmi 1 qələbə qazanmısız...
- Daha yaxşı oynamağa çalışacağıq. Ramalinqomun bir oyunluq cəzası qalıb. Bizi kubok matçı da gözləyir. Mövcud oyunçularla davam edəcəyik.
- Yankoviçin start heyətindən kənarda qalması nə ilə əlaqədardır? Onun da əsas heyətdə meydana çıxmaması təsirini göstərdi?
- Yankoviçin hərarəti yüksək idi. İki məşqdə iştirak etməmişdi.
- Ninkoviç kimi təcrübəli oyunçu sarı vərəqəsi ola-ola necə ikinci sarı vərəqə ala bilir? Buna necə şərh verərdiz?
-Fasilədə ona bildirmişdim ki, ehtiyatlı oynasın. Amma düzü, ikinci sarı vərəqə aldığı epizodda o qədər də kobud oynadığını düşünmürəm. Baş hakim bu qərarı verdi, hörmətlə yanaşırıq.
- Qələbə qazanmaq üçün xarakter lazımdır, futbolçularda isə bu çatışmırdı. 8 matçda cəmi 1 qələbə qazanmısız, futbolçular yersiz vərəqələr alır, asan qollar buraxırsız. Amma siz çox sakitsiz, futbolçuları çox rahat müdafiə edirsiz, sanki hər şey qaydasındadır. Düşünmürsüz ki, bu, doğru yol deyil və futbolçulara öz xarakterinizi göstərməlisiz?
- Deməzdim ki, mən rahatam. Təbii ki, bununla bağlı müəyyən işlər görülür. İlk 20 dəqiqədə buraxılan qollar komandanın oyununu sındırdı.
