Bu gün UEFA Çempionlar Liqasının 2-ci təsnifat mərhələsinin cavab oyununda Azərbaycanın "Sabah" klubunun 3-cü təsnifat mərhələsindəki potensial rəqibləri – "Lex" və "Orhus" üz-üzə gəlib. Sport24.az xəbər verir ki, Poznanda keçirilən qarşılaşma Danimarka təmsilçisinin 4:1 hesablı qələbəsi ilə başa çatıb.
İlk oyunda "Lex" 4:1 hesabı ilə qalib gəldiyindən, ümumi hesab 5:5 olub. Qalib penaltilər seriyasında müəyyənləşib və 4:3 hesabı ilə üstün olan "Orhus" növbəti mərhələyə yüksəlib.
Beləliklə, "Orhus" Çempionlar Liqasının 3-cü təsnifat mərhələsində "Sabah"ın rəqibi olacaq.
Xatırladaq ki, Bakı təmsilçisi 2-ci təsnifat mərhələsində Finlandiyanın "KuPS" klubunu hər iki oyunda məğlub edib – 1:0 və 2:0.
