Türkiyə millisinin futbolçusu Hakan Çalhanoğlu dünya çempionatına vəsiqə qazanmaları haqda fikirlərini bölüşüb. Sport24.az xəbər verir ki, yarımmüdafiəçi mundialla bağlı bunları deyib:
"Çox istedadlı komandayıq. Hazırda bacarmayacağımız şey yoxdur. Arzularımız var. Bütün futbolçular xəyal qurur. İnşallah, dünya çempionatında ölkəmizi layiqincə təmsil edəcəyik".
Türkiyə millisi mundialda ABŞ, Paraqvay və Avstraliya ilə mübarizə aparacaq.
Dünya çempionatı iyunun 11-dən iyulun 19-na qədər olacaq. Mundiala ABŞ, Meksika və Kanada ev sahibliyi edəcək.
