"Qarabağ" UEFA Avropa Liqasının Liqa mərhələsində bu gün növbəti oyuna çıxacaq. Qurban Qurbanovun yetirmələri İsveçdə "Elfsborq"la üz-üzə gələcək. "Boras" arenada baş tutacaq görüşə saat 00:00-da start veriləcək.
"Qarabağ"ın veteran futbolçusu Əfran İsmayılov Sport24.az-a açıqlamasında oyunla bağlı gözləntilərini bölüşüb:
"Qarabağ"dan gözləntim yalnız qələbədir. İsveç komandalarına qarşı oyunumuz uğurlu alınır. Matç bizim üçün çox vacibdir. Növbəti mərhələyə vəsiqə qazanmaq istəyiriksə, mütləq qalib gəlməliyik. Düzdür, bir az hava şəraiti mane ola bilər, amma komandamıza inanıram. Bu cür vacib oyunda Bəhlul Mustafazadə və Kevin Medinanın olmamağı üzücüdür. Amma futbol adlar üzərində yox, komanda şəkilində oynanılan oyundur. Çox güman Abbas Hüseynov sağda, Mateus Silva isə müdafiənin mərkəzində oynayacaq. futbolçular oyunun vacibliyini dərk edir. İnanmıram kimsə zəif oynasın.
