"Yeni oyunçular gəldi və ikisi yenə gələcək. Onların performansı bizim üçün önəmlidir. Qarşıdakı matça da tam heyətlə çıxa bilməyəcəyik. Bundan sonra isə tam heyətlə mübarizə apara biləcəyik. Bizim üçün daha yaxşı olacaq və ciddi mübarizə aparacağıq". Bu sözləri Sport24.az saytına açıqlamasında "Sumqayıt"ın basketbolçusu Saadettin Donat deyib.
Mərkəz oyunçusu millidəki çıxışından və komandadan danışıb: "Milli komandaya gəlincə, zədədən qayıtmışdım. Təbii ki, hər zaman ən yaxşısı var. Qrupda daha iki oyunumuz var və bu çox vacibdir. Bu görüşlər daha kritik olacaq və uğur qazanacağımıza inanıram"
