MBA-da çıxış edən “Finiks Sanz” klubunun prezidenti Ceyson Rouli istefa verib. Sport24.az xəbər verir ki, 2007-ci ildən bu vəzifədə çalışan funksioner klubun ofis əməkdaşlarına qarşı qeyri-etik hərəkətlər etməkdə ittiham olunur.
Arizon klubunun İdarə Heyətindən mətbuata bildirilib ki, Roulinin sadəcə, həyatında dəyişikliyə ehtiyac olduğuna görə vəzifəsindən gedib. Amma Amerika mətbuatı klub prezidentinin məhz davranışlarına görə istefa verdiyini yazır. Deyilənə görə, Rouli işçilərini təhqir etməklə yanaşı, hamilə qadınlara qarşı lap pis rəftar edirmiş.
Onun istefa verməsinə səbəblərdən biri də artıq klubun sahibinin dəyişməsi olub. Belə ki, fevralın 6-da “Finiks” 4 milyard dollar biznesmen Metyu İşbiyə satılıb. Bu isə MBA tarixində rekord sövdələşmədi.
