Azərbaycan Voleybol Federasiyasının (AVF) baş koordinatoru Zöhrab Gözəlbəyli Avropa Voleybol Konfederasiyasından yeni təyinat alıb.
Sport24.az xəbər verir ki, o, kişi voleybolçular arasında Çelenc Kubokunun 1/4 final matçının supervayzeri təyin edilib.
Federasiya rəsmisi yanvarın 26-da Buxarestdə Rumıniyanın "Styaua" və Yunanıstanın "Olimpiakos" komandaları arasındakı qarşılaşmada hakimlərin işinə qiymət verəcək.
Xatırladaq ki, görüşün ədalət təmsilçiləri niderlandlı Mark Yan Vinstra və italiyalı Mitsele Brunelli olacaq.
