"Sheki Open" beynəlxalq şahmat festivalı davam edir. Sport24.az xəbər verir ki, A və B turnirlərində 9 ölkədən 260 şahmatçı iştirak edir.
Əsas yarışda üç turdan sonra vahid lider müəyyənləşib. Turnirə ardıcıl üç qələbə ilə start verən azərbaycanlı beynəlxalq usta Vüqar Manafov zirvədə qərarlaşıb. Altı şahmatçı ondan yarım xal geridədir, o cümlədən yarışın reytinq favoriti ukraynalı Vitali Bernadski və Xaqan Əhməd.
Qeyd edək ki, turnir İsveçrə sistemi üzrə təşkil olunub və doqquz turdan ibarətdir. Yarışa iyunun 25-də yekun vurulacaq.
