"Çelsi"nin baş məşqçisi Enzo Mareska futbolçusu Ceydon Sançonun taleyindən danışıb. Sport24.az xəbər verir ki, mütəxəssis İngiltərə mətbuatına açıqlamasında vingerin klubda qalıb-qalmayacağı haqda suala belə cavab verib:
"Heyətimizdə olan bütün futbolçulardan məmnunam. Lakin indi gələcək haqda düşünməyin vaxtı deyil. Yayda necə olacağını görəcəyik. Sanço ilə hər gün danışıram. O, sona qədər əlindən gələni etməlidir".
Sanço bu mövsüm 28 oyunda 2 qol vurub, 7 məhsuldar ötürmə edib.
