Portuqaliyalı futbol məşqçisi Andre Villaş-Boaş "Portu"nun prezidenti olub. Sport24.az xəbər verir ki, bu barədə Portuqaliya klubunun mətbuat xidməti məlumat yayıb.
Villaş-Boaş 2028-ci ilədək kluba başçılıq edəcək.
46 yaşlı mütəxəssis 2010-2011-ci illərdə "Portu"nun baş məşqçisi olub. Onun məşqçilik karyerasındakı sonuncu komandası Fransa "Marsel"i olub. Daha öncə o, "Çelsi", "Tottenhem", "Zenit", "Şanxay Port", və "Akademika"nın sükanı arxasında olub.
Qeyd edək ki, hazırda "Portu" 62 xalla Portuqaliya çempionatının turnir cədvəlində üçüncüdür. Komanda lider "Sportinq"dən 18 xal geri qalır.
