İtaliyanın "Roma" klubunun heyətində ciddi itki baş verib. Sport24.az xəbər verir ki, paytaxt təmsilçisinin hücumçusu Paulo Dibala sıradan çıxıb.

 

Argentinalı futbolçu dizində olan zədəyə görə əməliyyat olunub. 32 yaşlı forvard 1 ay yaşıl meydanlardan uzaq qalacaq.


Qeyd edək ki, Paulo Dibala 2022-ci ilin yayından "Roma"da çıxış edir. Argentina millisinin üzvü bu mövsüm "canavarlar"ın heyətində meydana çıxdığı 22 rəsmi matçda 3 qol və 4 məhsuldar ötürmə ilə yadda qalıb.