"Borussiya" "Norşellan"dan icarəyə götürdüyü Daniel Svenssonu komanda saxlayıb. Sport24.az xəbər verir ki, Bundesliqa nəhəngi isveçli sol cinah müdafiəçisinin transfer hüququna yiyələnib.
Bu barədə klubun mətbuat xidməti məlumat yayıb.
"Borussiya" Svensson üçün Danimarka klubuna 6,5 milyon avro təzminat ödəyib. 23 yaşlı futbolçu ilə 2029-cu ilin yayına kimi nəzərdə tutulan müqavilə imzalanıb.
Qeyd edək ki, "Borussiya" Daniel Svenssonu yanvar ayında icarəyə götürüb. İsveç millisinin üzvü Dortmund təmsilçisinin heyətində meydana çıxdığı 15 rəsmi matçda 1 qol və 2 məhsuldar ötürmə ilə yadda qalıb.
