"Barselona"nın cinah oyunçusu Rafinya İspaniya mətbuatına maraqlı açıqlama verib. Sport24.az xəbər verir ki, "sport.es"ə açıqlama verən braziliyalı bildirib ki, Kataloniya klubunda uğrunda mübarizə apardığı bütün kubokları qazanmaq istəməyən insanlar olmamalıdır:
"Barselona"da oynayırsansa, hər şeyi qazanmaq barədə düşünməlisən. Əgər belə düşünmürsənsə, deməli, səhv komandadasan. Titul qazanmağı düşünən futbolçu doğru komandadadır".
Braziliyalı futbolçu 2022-ci ilin yayında "Lids"dən "Barselona"ya keçib. Bu müddət ərzində o, bütün turnirlərdə 111 matçda iştirak edib, 37 qol vurub, 35 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub.
