Ukraynanın "Polesye" klubunun azərbaycanlı futbolçu Emil Mustafayev yerli mətbuata müsahibə verib. Sport.24.az xəbər verir ki, gənc yarımmüdafiəçi Ukrayna millisində oynamaq variantlarından söhbət açıb.
- Vaxtilə Azərbaycanın gənclər yığmasında oynamaq təklifini qəbul etmişdiniz. Qərarınızdan peşmansınız?
- Atam istədiyi üçün Azərbaycan millisində oynamaq arzusunda idim. Baş məşqçi Ruslan Rotan mənə dəvət göndərəndə isə artıq Azərbaycan yığmasında oynamışdım. Bir komandadan digərinə keçmək düzgün olmazdı.
- Əsas millidən dəvət gəlmədi? Federasiya ilə əlaqəniz olub?
- Hələ "Aleksandriya"da olarkən danışırdıq. İndi isə sakitçilikdir.
- Ukrayna millisi ilə hekayənizə son qoymaq hələ tezdir?
- Ukrayna millisinə dəvət min ildə bir dəfə ola bilər. Bu yığmadan imtina etməyəcəyim dəqiqdi. Ukraynada böyümüşəm, şəxsiyyət olmuşam.
- Ukrayna Premyer Liqasında "Minay"da çıxış edən Anatoli Nuriyev və Rüstəm Əhmədzadə haqqında Azərbaycanda insanlar nə danışır?
- Onlarla o qədər də yaxından ünsiyyət qurmamışam. Əhmədzadə mütəmadi olaraq milliyə dəvət alır. Rüstəm kifayət qədər yaxşı vəziyyətdədir.
- Bu yaxında AVRO-2025-in seçmə mərhələsində Azərbaycan və Ukraynanın gənclərdən ibarət yığmaları üz-üzə gəldi. Orada tanışlarınız var?
- Bir neçə tanıdıqlarım var. Rüstəm Samiqullin və yığmanın kapitanı olan Fərid Yusiflini deyə bilərəm.
