"Zirə"nin 2024-cü il üçün büdcəsi bəlli olub. Sport24.az xəbər verir ki, bu barədə klubun maliyyə hesabatında bildirilir.
Klubun ötən il üçün ümumi gəlirləri 10 milyon 968 min 897 manat təşkil edib.
Bunun 6 milyon 233 min 897 manatı əsas fəaliyyət gəliri, 4 milyon 735 min manatı sair gəlirlər olub.
Oyunçuların əmək haqlarına 4 milyon 83 min 454 manat, inzibatı və digər işçilərin əmək haqlarına 1 milyon 137 min 363 manat ayrılıb.
Qeyd edək ki, "Zirə" bu mövsüm ötən il olduğu kimi, Misli Premyer Liqasında 2-ci yeri təmin edərək Avropa kuboklarına vəsiqə qazanıb.
