Misli Premyer Liqasının 33-cü turuna "Neftçi Arena"da yekun vurulacaq. Sport24.az xəbər verir ki, "Neftçi" "doğma divarlar" arasında "Kəpəz"i qəbul edir.
Meydan sahibləri üçün bu matç o qədər də əhəmiyyətli deyil. Samir Abasovun komandasının nə medallara iddiası qalıb, nə də elitanı tərk etmək təhlükəsi yaşayır. Bu səbəbdən paytaxt təmsilçisinin üzərində heç bir təzyiq yoxdu. "Kəpəz" isə əksinə. Azər Bağırovun komandası Premyer Liqada qalmaq uğrunda mübarizə aparır. "Səbail" dünən "Araz-Naxçıvan"la heç-heçə etməklə "sarı-göylər"lə xal fərqini 6-ya endirib. Gəncəlilər bu gün paytaxtdan 3 xalla ayrılsa, demək olar ki, böyük ölçüdə intiriqanı öldürəcək.
Qeyd edək ki, Rauf Cabarovun idarə edəcəyi matçın start fiti saat 20:00-da səslənəcək.
Misli Premyer Liqası
IV dövrə, XXIII tur
20:00. "Neftçi" - "Kəpəz"
Hakimlər: Rauf Cabarov, Rahil Ramazanov, Tərlan Talıbzadə, Elvin Bayramov
VAR: Tural Qurbanov
AVAR: Asiman Əzizli
Hakim-inspektor: Babək Quliyev
AFFA nümayəndəsi: Eldəniz Musayev
Bakı. "Neftçi Arena".
