"Qəbələ"nin qapıçısı Səlahət Ağayev hazırkı komandadakı gələcəyi ilə bağlı danışıb. Sport24.az-ın Qəbələyə ezam olunmuş əməkdaşına açıqlama verən təcrübəli qolkiper hələ ki klubla heç bir danışığının olmadlğını gizlətməyib: "Bizdə çox oyunçunun müqavilə müddəti bitir. Bizi "Qəbələ"də vacib oyunlar gözləyir və bu oyunları düşünürük. Peşəkar oyunçularıq. Bu səbəbdən müqavilə müddətinin sonuna qədər komandanın uğurları üçün çalışacağıq. Hələ ki başqa şey barədə düşünmürəm. "Qəbələ"də hər şey ürəyimcədi. Hər kəslə münasibətimiz yaxşıdı".
Qeyd edək ki, 2022-ci ilin yayında 31 yaşlı Ağayevlə bir illik müqavilə imzalanıb və cari mövsümün sonunda anlaşma müddəti bitir.
MEHMAN SÜLEYMANOV
