"Ardıcıl üç oyundur ki, qol vururam. Artıq formada olduğumu düşünürəm". Sport24.az-ın məlumatına görə, bu sözləri "Sabah"ın futbolçusu Coy-Lens Mikels deyib.
Təcrübəli hücumşu səfərdə "Turan Tovuz"a 3:1 hesabı ilə qalib gəldikləri Misli Premyer Liqasının XV turunun oyunu ilə bağlı fikirlərini bölüşüb:
"Hazırda hər şey mənim üçün qaydasında gedir. Eyni zamanda komanda da daha yaxşı oynayır. Bu, məni daha da sevindirir. İndi fərqli mövqedə çıxış edirəm. Zaman keçdikcə bu mövqeyədə daha da uyğunlaşıram, inkişaf edirəm. Bu cür davam edəcəyinə ümidvaram. Komanda üçün daha çox qol vurmaq və məhsuldar ötürmə vermək istəyirəm".
O, turnir cədvəlindəki mövqeləri barədə də danışıb:
"Hazırda birinci pillədə qərarlaşmaq qürurvericidir. Çox qürur duyuram. Biz səfərə qələbə üçün gəlmişdik. "Qarabağ"a qarşı bizi böyük matç gözləyir. Həmin qarşılaşmaya tam hazır olacağıq".
