"Yeni ilə qələbə ilə başlamaq istəyirik". Sport24.az xəbər verir ki, bunu "Ordu"nun basketbolçusu Nəcəf Babayev deyib.
Komandaya yeni transfer olunan oyunçu keçidini şərh edib: "Artıq komanda ilə məşqlərə başlamışam. Çox gözəl ab-hava var. "Quba" ilə oyuna hazırlıq davam edir. Komandamın qələbə qazanması üçün əlimdən gələni etməyə hazıram. Ümid edirəm ki, mövsümün ikinci yarısını yüksək səviyyədə keçirə biləcəyik. Hədəfimiz isə təbii ki, qrupdan 1-ci yeri tutaraq pley-offa vəsiqə qazanmaqdır".
Qeyd edək ki, "Ordu" yanvarın 11-də "Quba"nı qəbul edəcək.
