Millimizin futbolçusu Musa Qurbanlının formasını geyindiyi "Yurqorden" İsveç çempionatının XXIII turunda doğma meydanda "Varnamo"ya 1:2 hesabı ilə məğlub olub. Sport24.az xəbər verir ki, 21 yaşlı forvard matçın 58-ci dəqiqəsində boş qapıya qol vura bilmədiyi epizod haqda danışıb. "Həmin epizodda topu qapıdan keçirə bilmədiyim üçün şokdayam. Top qapıdan necə oldu keçmədi, başa düşə bilmirəm. Amma futbolda belə hallar olur. Mübarizəni davam etdirməliyəm. Bu oyunda qələbə qazanmalı idik. İkinci hissəni çox yaxşı keçirdik, qol imkanları yaratdıq. Mənim də bir neçə şansım oldu".
