"Qarabağ"ın müdafiəçisi Kevin Medina komandanın heyətində 200-cü oyununa çıxıb. Sport24.az xəbər verir ki, onun yubileyi Misli Premyer Liqasının XXIX turunun "Neftçi" ilə görüşünə (5:1) təsadüf edib.
Medina XXX turun "Turan Tovuz"la matçı öncəsi "200" yazılı formayla təltif olunub.
Kolumbiyalı müdafiəçi 200 qarşılaşmada 6 qola imza atıb. Kevin çempionatda 117i (3 qol), avrokuboklarda 69 (3 qol), ölkə kubokunda 14 oyunda şans qazanıb.
