Bu gün Azərbaycan Basketbol Liqasında (ABL) V turun növbəti matçları baş tutacaq. Sport24.az xəbər verir ki, ikinci oyun günündə daha iki qarşılaşma keçiriləcək.
A qrupunda yer alan "Gəncə" "Şəki"ni qəbul edəcək. Meydan sahibləri 4 xalla beşinci, qonaqlar 5 xalla üçüncü pilədə qərarlaşıb.
B qrupunda mübarizə aparan "Sərhədçi" isə səfərdə "Sumqayıt"la qarşılaşacaq. "kimyaçılar" 4 xalla altıncı, paytaxt təmsilçisi isə 5 xalla beşincidir.
Hər iki görüşüm start fiti saat 19:00-da səslənəcək.
Qeyd edək ki, tura noyabrın 2-də yekun vurulacaq. Ötən gün "Ordu" səfərdə "Lənkəran"ı məğlub edib - 91:76.
