"Milan"ın müdafiəçisi Malik Tiav karyerasını İngiltərə Premyer Liqasında davam etdirməyə yaxındır. Sport24.az xəbər verir ki, "Nyukasl" almaniyalı mərkəz müdafiəçisinin keçidini həll etmək üzrədir.
Bu barədə insayder Fabritsio Romano məlumat yayıb.
"Milan" İngiltərə klubunun 40 milyon avroluq təklifini qəbul edib. 24 yaşlı futbolçu yaxın günlərdə "Nyukasl"la müqavilə imzalayacaq.
Qeyd edək ki, "Milan" Malik Tiavı 2022-ci ilin yayında "Şalke"dən transfer edib. Almaniya millisinin üzvü ötən mövsüm A Seriyası təmsilçisinin heyətində meydana çıxdığı 31 rəsmi matçda 1 qol və 1 məhsuldar ötürmə ilə yadda qalıb.
