"Real"ın yarımmüdafiəçisi Federiko Valverdi "Mançester Yunayted"in maraq dairəsindədir. Sport24.az xəbər verir ki, bu barədə "Mirror" qəzeti məlumat yayıb.
Mənbənin sözlərinə görə, Valverde baş məşqçi Xabi Alonsodan narazı qalan bir neçə futbolçudan biridir. Bu səbəbdən uruqvaylı futbolçu İspaniya nəhəngindən ayrılmağı düşünür.
"Real" rəhbərliyi isə 27 yaşlı yarımmüdafiəçini 100 milyon funt sterlinqdən aşağı qiymətə satmaq niyyətində deyil. "Mançester Yunayted" isə Valverdiyə görə, 70 milyon funt sterlinqdən artıq ödəmək istəmir.
Qeyd edək ki, Valverde bu mövsüm bütün turnirlərdə 17 oyunda meydana çıxıb və 4 məhsuldar ötürmə edib. Onun klubla hazırkı müqaviləsi 2029-cu ilin yayına qədərdir. "Transfermarkt" portalında verilən məlumata görə, futbolçunun bazar dəyəri 130 milyon avrodur.
