"Mançester Yunayted"in hücumçusu Rasmus Hoylunn İtaliyaya qayıdacaq. Sport24.az xəbər verir ki, "Napoli" danimarkalı futbolçunun keçidini həll edib.
Bu barədə insayder Fabritsio Romano məlumat yayıb.
İtaliya çempionu Hoylunnu 6 milyon avro qarşılığında 1 illik icarəyə götürəcək. Neapol təmsilçisi 44 milyon avro ödəməklə 22 yaşlı forvardın transfer hüquqlarına yiyələnə bilər.
Qeyd edək ki, "Mançester Yunayted" Rasmus Höylunnu 2023-cü ilin yayında "Atalanta"dan 77 milyon avroya transfer edib. Danimarka millisinin üzvü ötən mövsüm "qırmızı şeytanlar"ın heyətində meydana çıxdığı 52 rəsmi matçda 10 qol və 4 məhsuldar ötürmə ilə yadda qalıb.
