"Liverpul"un müdafiəçisi İbrahima Konate karyerasını İtaliya A Seriyasında davam etdirə bilər. Sport24.az xəbər verir ki, "İnter" fransalı futbolçunu heyətinə qatmaq istəyir.
Bu barədə İtaliya mətbuatı məlumat yayıb.
Konatenin İngiltərə klubu ilə müqaviləsi gələn ilin yayında başa çatır. A Seriyası nəhəngi bu amildən yararlanaraq azad agent statusunda olacaq 26 yaşlı mərkəz müdafiəçisini heyətinə qatmağa çalışacaq.
Fransa millisinin üzvü ilə "Real" da maraqlanır.
Qeyd edək ki, "Liverpul" İbrahima Konateni 2021-ci ilin yayında "Leypzssiq"dən transfer edib. Təcrübəli oyunçu bu mövsüm Premyer Liqa təmsilçisinin heyətində 9 rəsmi matçda meydana çıxıb.
