Bakıda keçirilən atıcılıq üzrə Dünya kubokunda qadınların 25 m məsafədən tapança ilə atəş açma yarışında təsnifat mərhələsinə yekun vurulub. Sport24.az xəbər verir ki, 69 snayper final mərhələsinə 8 vəsiqənin sahibini müəyyənləşdirib.
Azərbaycan yığmasının 5 atıcısı mübarizəni dayandırıb. Ən yaxşı göstəricə Xanna Əliyeva imza atıb. O, 574 xalla 36-cı olub. Zeynəb Sultanova 52-ci (571 xal), Həqiqət Atayeva 54-cü (569 xal), Nigar Nəsirova 60-cı (565 xal), Leyli Əliyeva 66-cı (549 xal) yeri tutub.
Qeyd edək ki, bu növdə final mərhələsi sabah baş tutacaq.
