UEFA Çempionlar Liqasının Liqa mərhələsində "Qarabağ"ın rəqiblərindən olan "Benfika"nın baş meneceri Mario Branko püşkü dəyərləndirib. Sport24.az xəbər verir ki, klub rəsmisi Azərbaycan çempionu ilə oyunun doğma meydanda keçiriləcəyini müsbət hal adlandırıb:
"Çempionlar Liqası böyüklüyünə, tarixinə və beynəlxalq nüfuzuna görə "Benfika"nın iştirak etməli olduğu yarışmadır. Qarşıda bizi böyük oyunlar gözləyir. Rəqiblərimizdən altısı 5 böyük liqadan, digəri isə Niderland təmsilçisi, böyük tarixi olan komandadır. Rəqiblərdən asılı olmayaraq "Benfika" kimi bir klub üçün Çempionlar Liqasındakı ilk məqsəd pley-off mərhələsinə vəsiqə qazanmaqdır. Səfər oyunlarına gəlincə, "Qarabağ"la evdə oynamaq müsbət haldır. Azərbaycana uzun səfər etməyəcəyik. Digər səfərlər normaldır. İkisi İngiltərəyə, biri İtaliyaya, digəri isə Niderlandadır. Matçları təhlil etmək və hazırlaşmaq üçün vaxtımız olacaq. Hazırda bütün diqqətimizi ölkə çempionatının "Alverka" ilə oyununa yönəldirik".
Qeyd edək ki, "Benfika" Liqa mərhələsində "Real", "Bayer", "Napoli" və "Qarabağ"la evdə, "Çelsi", "Yuventus", "Ayaks" və "Nyukasl"la səfərdə qarşılaşacaq.
