Misli Premyer Liqasının XIII turunun "Şamaxı" – "Sumqayıt" oyunundan sonra meydan sahibi komandanın məşqçisi Elnur Çodarov jurnalistlərin suallarını cavablandırdı. Sport24.az xəbər verir ki, mütəxəssis əvvəlcə matçla bağlı fikirlərini bölüşdü:
– Dramatik oyun alındı. Yaxşı hazırlaşmışdıq. Qol da vurduq, amma oyunun sonları gərgin keçdi.
– Nə baş verdi ki, məğlub oldunuz?
– Konsentrasiya çatmadı. Standart vəziyyətdə diqqətsiz olduq.
– Qoldan sonra məşqçilər korpusu arasında mübahisə nə üçün yarandı?
– Qoldan sonra rəqib baş məşqçi Ayxan müəllimə aqressiv jest etdi. Buna görə aləm qarışdı.
– Günahkar İliçdir?
– 100 faiz.
