Azərbaycan Tokio-2020 Yay Olimpiya Oyunlarında ilk gümüş medalını qazanıb. Sport24.az xəbər verir ki, olimpiada proqramına ilk dəfə salınan karate növündə Rafael Ağayev fəxri kürsünün ikinci pilləsinə qalxıb.
36 yaşlı idmançımız finalda italiyalı Luici Busaya uduzub - 0:1. Bununla da həmin rəqibə qrup mərhələsində 1:3 hesabıyla yenilən Ağayev ikinci yeri tutub.
Qeyd edək ki, daha əvvəl cüdoçu İrina Kindzerska (+78 kq), boksçu Alfonso Dominges (81 kq) və yunan-Roma güləşçisi Rafiq Hüseynov (77 kq) bürünc medal qazanıb. Bundan başqa sərbəst güləşçi Hacı Əliyev (65 kq) finala yüksəlib, qadın güləşçi Mariya Stadnik (50 kq) və daha bir sərbəst güləşçi Şərif Şərifov (97 kq) bürünc medal uğrunda döyüşəcək. Hər 3 görüş avqustun 7-də olacaq.
