Azərbaycan bu gün Tokio Yay Olimpiya Oyunlarında gümüş medal qazanıb. Sport24.az xəbər verir ki, karateçimiz Rafael Ağayev 75 kq. yarışlarda ikinci yeri tutub.
Bu, hazırkı yarışda ölkəmizin ilk gümüş medalı olub. Lakin sərbəst güləş yarışlarında Hacı Əliyevin də finala çıxdığını nəzərə alsaq, o da ən azı gümüş medalı təmin edib. Final sabah keçiriləcək.
Hazırda Azərbaycan medal sıralamasında 4 medalla (1 gümüş, 3 bürünc) eyni nəticəyə malik Monqolustanla birgə 69-cu yeri tutur.
Siyahıya isə 78 medalla (35 qızıl, 26 gümüş, 17 bürünc) Çin başçılıq edir.
