TOP 10

Maksim Medvedev forma dəyişməyə utanır: "Çox adam bizdən heç nə gözləmirdi"

Futbol
Tarix: 2017-12-06 03:30

"Bizim üçün ağır oyun oldu. Çünki rəqib bütün oyunumuzu analiz etmişdi". Sport24.az xəbər verir ki, bu sözləri "Qarabağ"ın futbolçusu Maksim Medvedev deyib. 

Ağdam klubu Çempionlar Liqasının qrup mərhələsinin sonuncu turunda səfərdə "Roma"ya minimal hesabla (1:0) məğlub olub. 

Oyundan sonra Romaya ezam olunan əməkdaşımızın suallarını cavablandıran yarımmüdafiəçi fikirlərini bildirib: "Bu gün topla çox rəftar edə bilmədik, ona görə oyun ərzində problemlərimiz oldu. Çalışdıq ki, yaxşı oyun nümayiş etdirək. Amma bu gün əsas oyunçularımız yox idi, buna görə bir az anlaşılmazlıq olurdu. Bəzi məqamlarda top saxlamaq istəsək də, buna nail ola bilmədik. Sonda isə 1 qol buraxdıq və qol imkanlarımızdan istifadə edə bilmədik. Romadan xalsız qayıtdığımıza görə məyusuq". 

- Çempionlar Liqası geridə qaldı. Komandanın turnirdəki iştirakını necə dəyərləndirirsən?

- Çox adam bizdən heç nə gözləmirdi. Amma hiss olnurdu ki, komandada oyundan-oyuna irəliləyiş var. "Atletiko"dan iki xal aldıq və bu bizim üçün əla nəticədi. Bizim üçün böyük təcrübə oldu. Gələcəkdə yenidən bu turnirdə iştirak etməyə çalışacağıq. İnşallah, növbəti dəfə daha yaxşı komandalarla eyni qrupa düşəcəyik və öz sözümüzü deməyə nail olacağıq.

- 6 oyunu səciyyələndirsək, ən zaif və ən güclü oyununuz hansıdır?

-  Ən zəif oyunumuzu səfərdə "Çelsi"yə qarşı oynadıq. Çünki ilk oyun idi, təcrübə yox idi. Stress və təzyiqin olması bizə imkan vermədi ki, yaxşı futbol nümayiş etdirək. Ən yaxşı oyunumuzu isə səfərdə "Atletiko"ya qarşı keçirdik, qol vura bildik. 

- 3 böyük klubun stadionunda oynadınız. Hansı klubun stadionu sizin üçün rahat idi?

- Əlbəttə ki, öz stadionumuz. Həqiqətən də Bakıda atmosfer əla idi. Bundan başqa, "Atletiko"nun stadionu xoşuma gəldi. Yeni stadion idi və orada hava çox yaxşı idi. 

- Qara Qarayev formasını De Rossi ilə dəyişdi. Bəs sən?

- Belə deyim, hələ ki, heç kimlə forma dəyişməmişəm. Sanki elə şey etməyə utanıram. Məndə o həvəs yoxdu.

- Bəs həmin formaları nə edirsən?

- Fikirləşirəm ki, formaları azarkeşlərə, qarabağlılara versəm, daha yaxşı olar. Çünki heç özümdə də saxlamıram. Çalışıram ki, azarkeşlərə verim, onların motivasiyası olsun və gələn oyunlarımıza da gəlsinlər.  (futbol11.az)

18 Dekabr 2017
17 Dekabr 2017
B.eÇ.aÇC.aCŞB