Samir Əliyev nəticədən razı qalıb: "Elxan Əhmədov sübut etdi ki, Emil Balayevdən geri qalmır"

"Səbail"in baş məşqçisi Samir Əliyev Topaz Premyer Liqasının XXIII turunda "Qəbələ"ylə səfərdə 1:1 hesablı bərabərliyə qaldıqları matçdan sonra mətbuat konfransı keçirib. Sport24.az-ın Qəbələyə ezam olunmuş əməkdaşı xəbər verir ki, gənc mütəxəssis öncə matçı dəyərləndirib.

- İki fərqli hissə oldu. İlk hissədə daha yaxşı oynadıq. Rəqib ikinci hissədə sistemi dəyişdi. Bu da başadüşüləndi. Bilirdik ki,"Qəbələ"nin qələbəyə ehtiyacı var. Ən azından uduzmamağa çalışırdıq. Düzdü, hesabda öndə olduq. Ancaq bundan sonra qol imkanlarımızdan istifadə edə bilmədik. Son 30 dəqiqədə rəqib güclü təzyiq etdi  və sonda qol vurdu. Bu 1 xal da bizim üçün yaxşı nəticədi. 

- Mövsümün ikinci yarısında "Qəbələ"yə uduzmadınız. "Qarabağ", güclülərə qarşı inamlı təsir bağışladınız. Mübariz komanda fornmalaşdırmısınız. Gələcəklə bağlı hədəfiniz necədi?

- Bu yaxında rəhbərliklə görüşümüz oldu. Gələcək planlarla bağlı söhbətləşdik. Düzdü, hələ 5 tur var. Ancaq iniddən gələcək üçün planlar qururuq. "Səbail"in növbəti mövsümdə hədəfləri daha böyük olacaq.

- Bu 1 xalı ad günü hədiyyəsi sayırsınız?
- Açığı, matçdan əvvəl elə bir söhbətimiz olmamışdı. Əlbəttə, qələbə olsa, daha yaxşı idi. Ancaq bizim üşün hər xal vacibdi. Qalan 5 oyundan 4-nü evdə, sintetik qazonda oynayacağıq, Çalışacağıq ki, bu matçlarda xal ehtiyatımızı xeyli artıraq.  

- Qapıda gözlənilmədən Elxan Əhmədova şans verdiniz. Ehtiyatda qalan təcrübəsiz qapıçının yaxşı oyunu ona gələn matçlarda da şans verməklə bağlı sizdə fikir formalaşdırdımı?

- Elxanı komandaya götürəndə potensialını bilirdik. Sadəcə, əsas heyətə qoymaqla bağlı tərəddüd ediridk. Əhmədov yaxşı çıxışıylıa sübut etdi ki, əsas qapıçımız Emil Baıayevdən geri qalmır. Gələcəkdə hər ikisinə şans verməyi düşünürük.

MEHMAN SÜLEYMANOV, Qəbələ