Futzal üzrə Polşa yığmasının baş məşqçisi Blazej Korçinski dünya çempionatının əsas seçmə mərhələsi çərçivəsində Azərbaycan millisinə qarşı keçirdikləri oyunu şərh edib.

Sport24.az xəbər verir ki, o, 3:4 hesabıyla uduzduqları matçdan sonra bunları söyləyib:

“Oyun çətin keçdi. Çünki formalaşmış bir komandaya qarşı çıxış etdik. 5-6 futzalçımız zədəli olduğuna görə, Bakıya gətirə bilmədik. Matç başa çatıb və bu görüşü unutmalıyıq. Azərbaycanla Polşada da oyunumuz var.

Oyundan əvvəl də, sonra da Azərbaycan millisi favoritlər siyahısındadır. Martda dogma meydanda keçirəcəyimiz görüşdə biz favorit kimi meydana çıxacağıq”.