“Qələbə münasibəti ilə komanda yoldaşlarımı təbrik edirəm. Azərbaycan millisinin üzvü olmaq, formasını geyinmək hər birimiz üçün fəxr, qürurvericidir”.
Sport24.az xəbər verir ki, bu sözləri Azərbaycan millisinin futzalçısı Xəzər Ağalızadə səfərdə Yunanıstana 7:0 hesabı ilə qalib gəldikləri dünya çempionatının əsas seçmə mərhələ oyunundan sonra deyib.
Yığmanın rəsmi matçında debüt edən oyunçu məşqçinin etimadını qazanmağa çalışdığını deyib:
“Baş məşqçinin etimadını qazanmağa çalışdım. Bunun üçün də onun tapşırıqlarını yerinə yetirdim. Qol vurmaq üçün şansım oldu, təəssüf ki, fərqlənə bilmədim. Növbəti oyunlarda da şans qazanacağıma ümid edirəm. Əlbəttə, bunun üçün üzərimdə çox işləməliyəm”.
