"Vest Hem"in yarımmüdafiəçisi Lukas Paketa bu ay klubu tərk edərək "Flamenqo"ya qayıtmaq istəyir. Sport24.az xəbər verir ki, bu barədə "The Guardian" məlumat yayıb.
Mənbənin sözlərinə görə, Braziliya klubu 28 yaşlı futbolçu üçün 34,7 milyon funt sterlinq ödəməyə hazırdır. Hazırda Paketanın "Vest Hem" forması ilə yenidən meydana çıxıb-çıxmayacağı isə sual altındadır.
Qeyd edək ki, "Vest Hem" Lukas Paketanı 2022-ci ilin yayında "Lyon"dan transfer edib.
Brazilya millisin üzvü Premyer Liqa təmsilçisinin heyətində meydana çıxdığı 109 rəsmi matçda 12 qol və 9 məhsuldar ötürmə ilə yadda qalıb.
