"Benfika"nın futbolçusu Kerem Aktürkoğlu Super Liqaya qayıtmağa hazırlaşır. Sport24.az xəbər verir ki, "Fənərbaxça" türk vingerin transferini yekunlaşdırmaq üzrədir.
Bu barədə "Fanatik" nəşri məlumat yayıb.
İstanbul nəhəngi Kerem üçün Portuqaliya klubu ilə razılığa gəlib. Keçid təxminən 25 milyon avroya başa gələcək.
26 yaşlı ön xətt oyunçusu instaqram hesabından sabiq klubu "Qalatasaray"la bağlı olan bütün paylaşımlarını silib. O, həmçinin klubu da izləmədən çıxarıb.
Qeyd edək ki, "Benfika" Kerem Aktürkoğlunu ötən ilin yayında "Qalatasaray"dan transfer edib. Türkiyə millisinin üzvü Lissabon təmsilçisinin heyətində meydana çıxdığı 58 rəsmi matçda 17 qol və 13 məhsuldar ötürmə ilə yadda qalıb.
