"Real"ın baş məşqçisi Karlo Ançelotti vergidən yayınma ilə bağlı işə baxılacaq Madrid əyalət məhkəməsinə gedib. Sport24.az xəbər verir ki, bu barədə Madrid Ali Məhkəməsinin mətbuat xidməti məlumat yayıb.
EFE agentliyi isə bildirib ki, 65 yaşlı məşqçi ittiham tərəfi ilə danışıqlar aparmağı planlaşdırmır. Prokurorlar Ançelotti üçün 4 il 9 ay həbs tələb edir.
Qeyd edək ki, italyan mütəxəssis 2014 və 2015-ci illərdə vergidən yayınmaqda ittiham olunur. Onun ümumi borcu 1 milyon 62 min avro təşkil edir.
