Futbol üzrə Niderland 2-ci liqasında 37-ci turun oyunları keçirilib. Sport24.az xəbər verir ki, Azərbaycan millisinin yarımmüdafiəçisi Ozan Can Kökçünün şərəfini qoruduğu “Telstar” da növbəti oyununa çıxıb.

Sözügedən kollektiv səfərdə “Den Boş”la qarşılaşıb. Futbolçumuzun komandası bu oyundan məğlubiyyətlə ayrılıb – 1:4.

Ozan da bu matçın iştirakçısı olub. O, 64-cü dəqiqədə meydana buraxılıb.

Müqavilə ilə “Sabah”a məxsus olan Ozan, Niderland klubunda icarə əsasında çıxış edir.

“Telstar” 2-ci liqada 37 turdan sonra 41 xalla 13-cü sıradadır.