"Nyukasl" "Mançester Siti"nin yarımmüdafiəçisi Niko Qonzalesin transferi ilə bağlı danışıqlara başlayıb. Sport24.az "The Athletic" nəşrinə istinadən xəbər verir ki, İngiltərə klubu yay transfer pəncərəsində orta sahəni gücləndirmək üçün 24 yaşlı futbolçunun xidmətində maraqlıdır.
"Nyukasl"ın Qonzalesi heyətinə qatmaq üçün danışıqları davam etdirdiyi bildirilir. Klubun yeni baş məşqçisi Matthias Yaissle rəhbərliyi altında heyətdə ciddi dəyişikliklər etdiyi və yarımmüdafiəyə əlavə oyunçu axtardığı qeyd olunur.
İspaniyalı futbolçu "Barselona"nın yetirməsidir. O, "Portu"ya keçməzdən əvvəl "Valensiya"da icarə əsasında çıxış edib.
Qeyd edək ki, Niko Qonzalez 2025-ci ilin yanvarında "Portu"dan 60 milyon avroya "Mançester Siti"yə keçib. Yarımmüdafiəçi ötən mövsüm "şəhərlilər"in heyətində 41 rəsmi matçda 2 qolla yadda qalıb.
