Mövsümün sonunda "Mançester Siti" ilə müqaviləsi başa çatan Bernardo Silva gələcəyi ilə bağlı qərarını verib. Sport24.az xəbər verir ki, portuqaliyalı futbolçu Premyer Liqa klubundan ayrılacaq.
Bu barədə "Calciomercato" nəşri məlumat yayıb.
Silva karyerasını İtaliyada davam etdirməyə yaxındır. "Milan" və "Yuventus" gələn ilin yayında azad agent statusunda olacaq 31 yaşlı hücumameyilli yarımmüdafiəçini heyətinə qatmaq üçün mübarizə aparır.
Qeyd edək ki, "Mançester Siti" Bernardo Silvanı 2017-ci ilin iyul ayında "Monako"dan 50 milyon avroya transfer edib. Portuqaliya millisinin üzvü bu mövsüm "şəhərlilər"in heyətində meydana çıxdığı 19 rəsmi matçda 2 qol və 3 məhsuldar ötürmə ilə yadda qalıb.
