"Arsenal"ın baş məşqçisi Mikel Arteta "Fulhem"lə dünən keçirilən oyunda zədələnən Qabriel Maqalyans və Yurrien Timberin durumunu şərh edib. Sport24.az xəbər verir ki, o, bu barədə "Daily Mail" portalına açıqlama verib.
"Bəli, narahatlığımız var, çünki Qabriel heç vaxt boş yerə meydandan çıxmır. Oyun vaxtı bir şey hiss etdi. Bunun nə qədər ciddi olduğunu bilmirik. Timber ilə də eyni vəziyyətdir. O, artıq oyunun əvvəlində çətinliklər yaşadı. Buna baxmayaraq oynamağa davam etdi. Lakin müəyyən məqamda daha da oynaya bilməyəciyini gördük".
Qeyd edək ki, "Arsenal" Çempionlar Liqasının 1/4 final mərhələsinin ilk oyununda aprelin 8-də "Real"ı qəbul edəcək. Bundan əvvəl isə londonlular Premyer Liqanın 31-ci turu çərçivəsində aprelin 5-də səfərdə "Everton"la qarşılaşacaq.
