Futbol üzrə Fransa yığmasının sabiq hücumçusu Andre Pyer Jinyak Meksikanın “Tiqres” klubu ilə müqavilə yeniləyib. Sport24.az xəbər verir ki, 35 yaşlı futbolçu 3 illik yeni müqaviləyə imza atıb. Bu barədə sözügedən klubun rəsmi saytı məlumat yayıb. 

Qeyd edək ki, Jinyak 2015-ci ildən “Tiqres”in uğurları üçün çalışır. O, bu komandanın heyətində 250 matça çıxıb, 147 qola imza atıb. Bununla da o, klub tarixinin ən çox qol vurmuş futbolçusu hesab olunur.

Fransız hücumçu 4 dəfə Meksika çempionu olub. O, KONKAKAF Çempionlar Liqasında da baş mükafata sahib çıxıb.