Futbol üzrə UEFA Çempionlar Liqasında qrup mərhələsinin 3-cü turunun oyunlarından sonra həftənin rəmzi komandası açıqlanıb.

Sport24.az xəbər verir ki, "11-liy"ə İngiltərə və İspaniya klublarından ümumilikdə 6, Almaniya, Fransa, Niderland, Portuqaliya və Avstriya təmsilçilərinin hərəsindən 1 oyunçu düşüb.

Qapıçı: İvo Qrbiç ("Lill", Fransa);

Müdafiəçilər: Jerar Pike, Jordi Alba (hər ikisi "Barselona", İspaniya), Sebastyan Koates ("Sportinq", Portuqaliya), Deyli Blind ("Ayaks", Niderland);

Yarımmüdafiəçilər: Jorjinyo ("Çelsi", İngiltərə), Riyad Mahrez ("Mançester Siti", İngiltərə), Noa Okafor ("Zaltsburq", Avstriya);

Hücumçular: Məhəmməd Salah ("Liverpul", İngiltərə), Leroy Sane ("Bavariya", Almaniya), Vinisius Junior ("Real", İspaniya).