"Real"ın baş məşqçisi Xabi Alonso La Liqanın 14-cü turunda "Jirona" ilə oyundan öncə zədəli futbolçular haqda açıqlama verib. Sport24.az xəbər verir ki, ispaniyalı mütəxəssis müdafiəçilər Antonio Rüdiger və Eder Militaonun qarşıdakı matça tam hazır olduqlarını açıqlayıb.
Həmçinin Franko Mastantuononun heyətə döndüyünü, Raul Asensionun durumuna isə oyun günü aydınlıq gələcəyini qeyd edib.
Qeyd edək ki, çempionatda 13 turdan sonra "kral klubu" 32 xalla turnir cədvəlinə başçılıq edir, "Jirona" isə 11 xalla 18-ci sırada qərarlaşıb.
